Tun weekend khan Spanish chanchinbute chuan Chelsea playmaker Eden Hazard leh Real Madrid te chu tun nipui bazar-a inlei turin inremna an nei fel tawh niin an talarng a.

Report thenkhatin an tarlan dan chuan Real Madrid hian Hazard-a manah £98million an thehchhuak a, kum 5 chhung atan inremin kar khat chhungin £270,000 a hlawh ang tiin.

Hetih lai hian Belgian playmaker Hazard chuan he thuthang chungchang hi a pha a, "Engmah chutiang a awm love, ka game hmabak chiah ka ngaihtuah. Chu chiah chu a ni ka rilrua awm chu," tiin a sawi.

Hazard hian ram tan game 100 a khel tling dawn ta a, Real Madrid zawm a chak thu a sawi kan hre tawh thin. Tun nipui bazar-ah hi chuan Stamford Bridge a chhuahsan ngei a rinawm. Hetih lai hian tunah rih chuan engmah thuthar a la awm rih lo a ni.