Transfer window vawi hnih player lei theilo tura hrem Spanish giant Real Madrid chuan an club hremna an khinlet tur thu an sawi chiang. Madrid thuchhuah chuan,"He hremna hi pawm theih a nih loh avangin Real Madrid chuan infiamna thuneitu sang hnenah hlip turin an dil dawn a ni",tiin.
Real Madrid ang club lian transfer-a che na thin leh khawvela player tha khawm tum tan chuan transfer window vawi hnih hrem hi hun rei tak a ni ngei ang le. Leroy Sane lakluh an tum nia sawi a nih mek laiin an hrem leh ta si a, January transfer window-a an lei hman lo a nih chuan he German rawlthar duhawm zet hi Barca emaw Engish club emawin an lak khalh thei tlat a ni.
Tunlai transfer window-a hming ri nasa ber pawl Juventus midfielder tha zet Pogba pawh an khinletna hi hnawl a nih chuan an chan ngei ang. Real hmelma kumhlun Barca pawhin hetiang hremna hi an lo tuar tawh a, tun January transfer atang hian player an ziaklut leh thei chauh a ni. Real hian Copa Del Rey-ah player hrem lai an luhtir avangin Copa del Rey atangin hnawhchhuah an lo ni tawh a, nipui transfer laiin De Gea lakluhna tur paper work an tihfel theih loh avangin goalkeeper tha an chan tawh bawk.