26 May 2015 07:37

Asanga Tlau

Real Madrid in Ancelotti ban

Spansh club Real Madrid chuan an manager Carlo Ancelotti chu season hnih an chhawr hnuah an ban fel ta.

Season hmasa khan kum 55 a upa Ancelotti hian Real Madrid chu Spanish Cup ah a champion puia, Champions League a vawi sawm an champion-na ni turin a champion pui bawk. Season hmasa kha tun season ah hian an phak ta lo hle a, Champions League semi-final ah Juventus an ngam loh hnuah league title la tura in umna kawngah Barca an um phak zo lo bawk.

Club president Florentino Perez chuan news conference ah Ancelotti ban chu thutlukna siam awl zawk zawk a ni lo tih sawiin, he club tana Ancelotti a'n tha leh zung a lo sen tawhna ah te an lawm hle a ni tiin a sawi. Manager thar tur hi karleh lam khian tih fel nghal mai pawh kan inring tiin a sawi bawk.

Season hmasaa Champions League a Real Madrid a champion puina kha manager a nihna anga he title vawi thum a lakna a ni a, 2003 leh 2007 khan AC Milan chu a lo lakpui tawh a ni. July 2013 khan PSG atangin Real a zawma, Spanish league title a chawipui hman ta lo a ni.

Italian newspaper Il Giornale a an kawmna ah Ancelotti chuan Real a chhuahsan a nih chuan kum khat chawlh la in a hnungzang a zai tir dawn tiin a sawia, Italy, England leh Germany atanga sawmna a dawn thu te a sawi bawk.