Real Madrid coach thar Rafa Benitez chuan season leh atana a game plan ah Isco a'n mawhphurhna lian tak a nei dawn tia a sawi tak avangin Isco chuan Real Madrid a chhuahsan hnai dawn lo tih a chiang ta.

Season liamta chawhnu lama inhliam Modric leh Rodriguez te an dam that hnu khan Isco hian starting line-up ah hmun a chang tam lo hle a, khatiang boruak a thlen tak avang khan chhuak mai tura anga sawi a ni zui a.

Malaga a a pu hlui Pellegrini zui tur awm anga sawi te awmin, Madrid ah midfielder dang an luh belh a nih chuan Isco hian Man City a pan ngei dawn ni te in an sawi a ni bawk.

Amaherawhchu boss thar Benitez a'n Isco chu a player pawimawh a nih tur thu a sawi tak avangin rilru thar nen Isco hian season thar a hmuak meka, Los Blancos a chhuahsan hnai mai dawn ta lo a ni.

Valencia youth academy chhuak Isco hian 2013 nipui khan Malaga atangin Madrid hi €30 million in a zawma, kum nga daih contract a ziak bawk. Season hnih liamta khan inelna hrang hrangah vawi 106 a inlana, goal 17 khung tawhin assist 23 lai a nei tawh bawk.