Real Madrid chuan kum 18 mi Brazilian midfielder Reinier Jesus chu £26m-in an lalut fel ta. Spanish club lian hian Reinier hi kum 6 chhung atan contract an ziahpui a, he Brazilian rawlthar hian nikum July ni 31 khan Flamengo tan senior debut game a khel chauh a ni.

Kum 2018 Dubai Under 16 World Cup-ah khan Reineir hi top scorer a ni a, final-ah Real Madrid an hneh nghe nghe. Brazilian league leh Copa Libertadores title an lak tumin Reinier hian tha a thawh ve nghe nghe bawk a ni.

Flamengo chuan Reinier chu a club tharah hlawhtlinna chang turin duhsakna an hlan. Nikum December thlaa Qatar-a Club World Cup-ah khan Flamengo tan khel mahse final-a Liverpool an hneh loh tum erawh kha chuan a lut ve ta lo a ni.