Bundesliga club RB Leipzig chuan, Austrian club Red Bull Salzburg atangin, Benjamin Sesko an lalut a, kum nga daih contract an ziahpui.

Sesko hi tun season chhung Salzburg-ah a khel chhunzawm dawn a, nakkum July ni 1 atangin Leipzig player a ni dawn a, a contract pawh hi nakkum July ni 1 atangin a intan dawn a ni.

Slovenian striker hi Manchester United pawhin lakluh tumin dawr mah se, Salzburg hian an Red Bull club pui Leipzig hi inremna an neihpui ta zawk.

Kum 19 mi Sesko chuan, “RB Leipzig hi Germany-a club tha ber pakhat an ni a, kumtinin Europe huap ang pawhin hma an sawn belh zel a ni,” tiin Leipzig a zawm chungchang a sawi.

Sesko hian kum 2019 khan Salzburg academy a zawm a, hemi kum vek hian senior team-ah chho in, FC Liefering-ah loan-in season hnih a khel a, Salzburg tan hian season hmasa khan competition hrang hrangah goal 11 a khung a ni.