ATP ranking chhuak tharah Rafael Nadal chu a chungnung ber a ni ta lo a, inkhel ve miah loin Roger Federer chu pakhatnaah a awm.

Rafael Nadal hian Madrid Masters khelh zawh takah khan quarter-final a paltlang zo lo a, hei vang hian No. 1 dinhmun a hauh chhunzawm theih loh phah a. March thla atanga la inkhel leh miah lo Federer chuan Nadal hi a rawn lehpel hlauh thung a ni.

World No. 1 hlui Novak Djokovic chu Madrid Open second round-ah a chak lo a, 12-na atangin 18-naah a tla thla a, October 2006 hnulama a la tlakhniam ber tum a ni.

Madrid Open champion Alexander Zverev chu pathumnaah a awm chhunzawm a, Pathiannia final-a a hneh Dominic Thiem chuan quarter-final-ah Nadal hneh mahse a hma aiin hmun khatin a tlahniam a, 8-naah a awm.

Semi-final-ah Thiem hian Kevin Anderson a hneh a, kum 31-a upa South African hi 7-na a ni a, a thlen san ber tum a tawng a. Mipaah chuan Madrid Open semi finalist Denis Shapovalov chu a kaisang nasa ber a, Russian tlangval hi a hma aiin hmun 14-in a sang a, 29-naah a awm.

ATP rankings (May 14):

1. Roger Federer (SUI) 8,670 pts (+1)

2. Rafael Nadal (ESP) 7,950 (-1)

3. Alexander Zverev (GER) 6,015

4. Grigor Dimitrov (BUL) 4,870

5. Marin Cilic (CRO) 4,770

6. Juan Martin Del Potro (ARG) 4,540

7. Kevin Anderson (RSA) 3,660 (+1)

8. Dominic Thiem (AUT) 3,545 (-1)

9. John Isner (USA) 3,305

10. David Goffin (BEL) 2,930

11. Pablo Carreno (ESP) 2,280

12. Sam Querrey (USA) 2,220 (+1)

13. Roberto Bautista (ESP) 2,210 (+1)

14. Jack Sock (USA) 2,155 (+1)

15. Diego Schwartzman (ARG) 2,130 (+1)

16. Lucas Pouille (FRA) 1,995 (+2)

17. Tomas Berdych (CZE) 1,980

18. Novak Djokovic (SRB) 1,905 (-6)

19. Kyle Edmund (ENG) 1,905 (+3)

20. Hyeon Chung (KOR) 1,807 (+1)