01 Jun 2015 06:01

Zaua NicoGaitan

Rangers te inkhelh tumin buaina a chhuak

Scottish Premier League play-off finah ah Motherwell chuan Rangers hnehin Scottish Premier League khel zel turin an in pet tling leh ta, mahse buaina nasa tak field chhungah an tawk.

He inkhelah referee in inkhel a tih tawp hnuah buaina a chhuak a, fans thinrim tak tak te pawh police leh security te hmang a dan hial an ngai a ni.

Buaina chawk chhuaktu te chu Rangers defender Bilel Mohsni leh Motherwell striker Lee Erwin te niin hun a tawp chiah tih in an ni pahnih hi an intithiamlo ta a, Erwin hian Mohsni chu nem in Mohsni thinrim chuan Erwin hi a pet bakah a hnek ta a ni.

Buaina a inhnamhnawih, player che na zual deuh pathum te chu referee in red card pe in a hnawtchhuak ta a, he buaina chhuak hi Scotland Police te chuan an chhui chian tur thu an sawi.

Rangers manager Stuart McCall chuan buaina chhuah tan lai tak a hmuhloh thu sawiin a player, buaina siamtu erawh kut a thawh avanga kawng engkimah a thiamloh thu a sawi a, kut thawhtu Tunisian player Mohsni chu a contract a zawh tawh avangin season tharah Rangers tan a khelh tawh dawnloh thu a sawi bawk.

Fans te Police leh security guard ten an dang