Thil ho mai mai, chaw tak khuk a khukpui chi ah mi tam tak chuan ngailo mahse Ramsey-a'n goal a thun a milar te an thih hi chuan news lar tak hi a ni tho tho zel.
Stoke laka a ke a tih tliah avanga a chawlh vang vang lai khan mi tamtak chuan Ramsey hi football tha taka a rawn khelh leh theih an ring tawh lova, mahse ropui taka rawn kir leh in kum 2011 khan man utd laka chakna goal a rawn thun a nih kha.
Kha goal a thun hnu lawk khan Osama bin Laden chu that a ni a, game a rawn khel chho leh tak tak a, goal a rawn thun chhoh leh tak tak khan Apple neitupa Steve Jobs te, Muammar Gaddafi te an han thi chho phak phak a, he chanchin hi a rawn lar chho ta a nih kha.
Ramsey erawhin hetianga thuthang awm hi a lawm teh chiam lova, "Goal ka thun avanga milar te an thi thin tih hi ka thu hriat tawhah chuan thil awihawmloh ber a ni, tum tam tak goal ka thun a milar thih loh tum a tam em mai, ka nuih pawh a tiza love" tiin a sawi.
Arsenal midfielder Ramsey-a'n goal a thun hnu lawka milar thi ta te chu hetiang mi te hi an ni e.
1 May, 2011 : Osama bin Laden
2 Oct, 2011 : Steve Jobs'
19 Oct, 2011 : Muammar Gaddafi
11 Feb, 2012 : Whitney Houston
30 Nov, 2013 : Paul Walker
20 April, 2014 : Rubin "Hurricane" Carter
10 Aug, 2014 : Robin Williams
23 Aug, 2014 : Richard Attenborough
9 Jan, 2016 : David Bowie
13 Jan, 2016 : Alan Rickman