Real Madrid chuan Sergio Ramos a chhuah tak thuta thlaktu turin Valencia centre-back Nicolás Otamendi an hual niin Spanish chanchinbu lar Marca chuan an tarlang.
Argentine centre-back hian Real Madrid zawm a duhber a, English club hming tarlan lohin an dawrna pawh a titawp tawh niin sawi a ni.
Real hian awlsam tak chuan an lalut thei hmel lo va, Otamendi contract neihlaiah hian leichhuah theihna zat €50m a awm a mahse he centre-back hi an duh hle niin Marca hian an sawi bawk.
A agent Eugenio López chuan Kum 27 mi Otamendi hian Valencia chhuahsan a hreh lo tih a sawi chiang tawh a, Valencia hian Financial Fair Play rule an zawm dik theihna kawng pawh a ni thei dawn a hralh an duhin a rinawm.
Spanish defender Sergio Ramos kutah engkim a awm a, England lama kal tur angin thu thang a tam rih hle.