24 Aug 2019 01:26

bakteaJr.

Mizo tlangval

​Ramos-a’n Williams-te unau game a veng dawn lo

US Open khelh a ni leh dawn tawh a, player-te’n an tum tur an hre tan meka, American unau Venus Williams leh Serena Williams-te pawh tel leh ngei turin an inbuatsaih mek.

Nikum US Open final-ah khan Serena leh Naomi Osaka-te an intuma, he game-a thil thleng kha tu mahin kan theihnghilh a la rinawm loh.

Nikum final khan Serena leh umpire Carlos Ramos-te chu an thu a inhmu lova, Serena hian Ramos hi nasa takin a ankhuma, Ramos hian Serena hi a point hial paihsakin, Osaka a champion zui ta bawk.

US Open thuneitute chuan Ramos hian Williams-te unau inkhel hi a vil dawn lo tih an puang chiang tawh a, tu tan pawh a tha zawk ngeiin a rinawm.

Nikum khan sawi tawh angin kum 37 mi Serena chuan Ramos hi a ankhum nasa hle a, mawi lo tak taka kovin, Serena hi hrem a ni zui nghe nghe a ni.