11 Jun 2019 05:03

inkhel

Ramhlun South Boxer Kimkimi a che tha

Ramhlun South Boxer MC Vankimmawii (Kimkimi) chuan 3rd Youth National Women's and Men's Championship 2019, Uttarakhand-a khelh mekah 57kg weight category-ah quarter final a inhnek tling. 

July ni 11, Thawhlehni khan Kerala boxer nen semi final luh an inchuh a nula Kimkimi hian a khingpui hi 5-0 in a hneh a, Judge zawng zawngah a chak vek a ni.

Ti hian Kimkimi hian Semifinal a lut a amah chiah hi Mizoram aiawh a kal boxer pakua zinga la dam awmchhun a ni bawk. Kimkimi hian a chhe berah bronze medal chu a rawn hawn thei tawh dawn a, gold la turin mi pahnih a hneh a la ngai thung a ni. June ni 11, Nilainiah Madhya Pradesh mi Radha Patidar nen semifinal an khel ang.

Kimkimi hi Arm Wrestling-ah pawh state leh national level-ah medal a la nual tawh a, National Arm Wrestling championship awm turah Mizoram aiawh kal tur a thlan a ni bawk

Mizoram team hi Coach pathum Pu Rosema Colney, Pu Jonathan leh Pi R. Lalbiaksangi ten an hruai a ni.