06 Sep 2015 07:27

Inkhel

Mizo Sports Website hmasa ber

​Rally-a car accident-ah mi 6 an thi

Nimin tlaia Spain hmar thlang lama Car intlansiak (Rally)-ah car accident chuan a entute a hnawl a, mi 6 an thi a, heng zinah hian raipuar pakhat a tel nghe nghe a ni.

Mi 6 an thih bakah Police te chuan mi 16 lai an inhliam thu an tarlang a, heng zingah hian naupangte pawh an tel nghe nghe a ni. A Coruna car rally hi mipui 140 velin an chhim a, Galicia province-a Carral kianga intlansiak neih hi tih tawp nghal a ni bawk.

Television footage atanga a lan dan chuan car hi a kawng ni lovah a tlan chhuak a, a entu mipuite chu a hnawl ta a, vaivut khu nen a rapthlak hle a ni. Police te chuan car hi a tlan chak lutuk a, driver-in a control zo lo niin an sawi. He car khalhtu erawh a him hlauh a ni.

Prime Minister Mariano Rajoy chuan he chhiatna avanga nunna chan ta te a tawrh pui thu leh inhliamte chu dam taka damdawi in an chhuahsan theih nan duhsakna a hlan nghal a ni.

Accident lai video : Hetah

picture credit : EPA