06 Jun 2020 08:55

bakteaJr.

Mizo tlangval

​Racism do nan Michael Jordan-a’n $100m a thawh dawn

NBA chanchina player lar ber leh tha ber anga sawi ngam Michael Jordan chuan racism leh vun rawng avanga intluktlan lohna do nan US $100m a sem chhuak dawn tih a sawi.

Michael Jordan hian a mah leh a Jordan Brand te chuan $100m hi kum 10 chhungin an sem chhuah tur thu a sawi bawka, heng hi racism dona kawnga hma la organisation hrang hranga sem chhuah tur a ni.

Tunah hian mihang George Floyd police kuta a boral a avangin US-ah buaina a chhuak nasa em em a, mihang ho thlawpna thu mi tam takin an sawi chhuak tawha, khawvel ram hrang hranga milar te pawhin Floyd-a thihna dan hi an dem thu an sawi tawha, Europe-a football team te pawhin mihang ho an thlawp zia an ti lang.

May thla ni 25 khan hriamhrei emaw hmanrua emaw eng mah kawl lo Floyd police-in an mana, a kut pahnih hnung lama an hren beh hnuah leiah bawh tirin police pathum lai maiin an khupin an nawr beta, Floyd hian a thawk theih loh thu leh na a tih thu te pawh police te hi hrilh mahse, ngaihthah sak a ni a, a hmunah hian Floyd hi thaw thei lovin a thi zui ta nge nge a ni.

Heng police te lakah hian thubuai siam a ni tawha, Floyd-a nghawnga nawr bet tu ber police pakhat phei chu second-degree murder thubuai a chungah siam sak a ni a, tan inah an tang hlawm ngei tura ngaih a ni.