PUBG Corporation hi South Korea lam company ni mahse Tencent hi China company a ni tlat si a. Data zawng zawng hi China-ah a lut khawm niin a lang. India sawrkar chuan a him lo nia ngaiin apps 275 zet chu ban turin tunah hian a chhawp chhuak mek.

Hetih lai hian PUBG Corporation chuan 5-8 million average Pubg Mobile gamer awmna India-in an game an ban a nih vaih chuan sum tam tak an chan dawn tih an hrechiang. Chuvang chuan a rang thei ang berin hma an la nghal chur chur. India tan bik liau liau, China-a data lut khawm lova India data luhkhawmna tur buatsaih tumin PUBG Corps chuan hma a la mek. Hei hi a hlawhtling a nih chuan emaw, India-in PUBG a ban lo a nih chuan emaw pubg gamer tan chuan a hma aiin a nuam sawt dawn tihna a ni bawk.

India sumdawnna monopolised tum nia sawi mek Jio neitu Ambani family chuan Tencent leh Google centre thenkhat te enkawla/thawhpuiah a sawm mek bawk a. Ani hian hma a la tak tak a nih chuan a tlang chho leh purh a rinawm bawk.

Tin, Tiktok pawh India-ah ban a ni a, sum tam tak an hloh a nih kha. America pawhin Tiktok ban a tum hnai nia sawi mek a ni a. President Trump-a pawhin ban a tum thu a sawi chiang tawh. America-in Tiktok an ban ve leh zel a nih chuan Tiktok chu an tluchhe thei maithei. Hengte a nih avang hian Microsoft lam an rawn inrawlh vat mai. Report thekhatin an tarlan danin Microsoft hian Tiktok neitute an be mek a, lei sak an tum mek nia sawi a ni.