​PUBG Mobile Emulator harsatna sutkian dan

11th July 2020, 05:07AM

A hunlai a ni a, Mizo zinga khelh tam ber Game; Pubg Mobile chungchang tarlang leh teh ang. Tunkar khan PUBG Mobile update 0.19.0 a rawn chhuak, Pubg Mobile computer hmanga khelhna Gameloop pawhin update an rawn siam ve nghal bawk. iOS lamah pawh harsatna tawk tam tak an awm a, PUBG Mobile World League lam schedule pawh a buai deuh nak hman.

Emulator hmang tam takin harsatna an tawk a, chung zinga langsar em em chu Mouse lock (Ctrl) hman theih loh chungchang a ni. Mi tam zawkin Gameloop an uninstall a, an han install that leh dawnin a crash chhunzawm bawk.

Engtia siamthat tur nge?

A awlsam ber chu VPN hman a ni a, VPN hman chuan control lamah engmah harsatna a awm lo. Chutih laiin ping erawh a sang ta si, hei tak hi a buaithlak zual chu a ni. Control lama buaina tawk tan gameloop uninstall tawp a tha a, temp files zawng zawng nen lam paih fai tur a ni. Chumi zawhah a thar hlakin install that leh tur a ni. Hetiang hian a dik thei.

installation crash siamthat dan

Gameloop atanga PUBGM Install laia harsatna tawk an la awm zel bawk. 50% vel install a kal mek a, a crash a, computer a in restart chhunzawm a, tih nawn tih nawn pawhin chutiang chuan a awm zel. Chung harsatna chu awlsam tein a tihthat theih.

Tun hnaiah malware chi hrang hrang rawn chhuak thar a awm, engtik laiin nge heng hi kan download tih pawh hriat loh hi a lo awm nual thin. Chung zingah chuan antivirus ang chi a awm nawk mai, antivirus chi hnih a lo awm hian game leh thil dang dang a crash ta thin a ni.

Control pannel-ah lut la, "Uninstall a program"-ah lut leh la, antivirus/defender i hman lai ni lo thil dang virus protection software a lo awm a nih chuan uninstall rawh. Uninstall theih loh malware a lo awm maithei, chung zinga lar deuh chu Santivirus a ni. Chung chu i clean dawn a nih chuan Malwarebytes download la, trial version hmangin scan rawh. Tichuan malware i quarantine zawh hnu chuan i computer restart la, Gameloop atangin PUBG Mobile i install thei tawh ang. Hetianga i tih chuan control pawh a rawn dik thlap mai ang.

A la dik lo cheu a nih chuan..

A chunga kan sawi ho khi i tih vek hnua a la dik lo cheu a nih chuan, i vanduai bik hle a ni tih i pawm thiam tawh mai dawn nia.

Copyright © inkhel.com 2024. All rights reserved.