10 Sep 2020 02:59

inkhel

Pu Joseph-an Taekwondo Coach License Level-1 pass

Ni hnih awh International Taekwondo Coach License Level-1 chu September ni 8-8, 2020 khan buatsaih a ni a. Hetah hian Master Joseph Thansanga, Mizoram Amateur Taekwondo leh SYS coach ni bawk chuan hlawhtlinna changin he level hi a pass thar. Mizo zinga Intertnational Taekwondo Coaching License nei hmasa ber a ni ta a ni.

Kum 2020 atanga hman tan tur World Taekwondo(WT) Hqrs. in dan thar a duan zinga mi, International Certificate Coach course zirna leh online exam chi khawmualpui hrang hrangah buatsaih mek a ni a. Khawmualpui hrang hrang tan a thlengtu bik awmin, a ram sana mila buatsaih zel a ni. Tun tuma buatsaih hi India thlen niin Ram hrang hrang 6 atangin zirlai 60 an awm a. Mi 47 in an pass chhuak a ni. Ni 2 chhungin subject hrang hrang 7 – Competition Rules thar, Case study, Game Management, Medical Care & Anti-doping, Safeguarding, sports psychology, coaching skill te zirin Online exam an paltlang a ni.

Tin, India Taekwondo chuan September ni 28 atanga August ni 4 chhung hian Online National Taekwondo Poomsae Championship a buatsaih dawn a. MATA chuan tum engemaw zat Team champion a lo ni tawh thinna poomsae inelnaah hian champion leh ngei tumin player te a buatsaih mek a, Mizoram aiawha Poomsae video thawn turte chu uluk takin screen a nei leh phawt ang. He National Online Open championship hmasa ber buatsaih turah hian MATA GS Master Joseph Thansanga chu Organising committee ah telin, Judging hi live a pek chhuah tur a ni nghe nghe. Live Online Judge Table 5 a awm ang a, Table pakhatah hian International Referee 7 zel an awm ang a. Master Joseph-a hian Judge table pakhat hi a enkawlna hnuaiah a awm dawn a ni.

(adsbygoogle = window.adsbygoogle || []).push({});