Lionel Messi chuan tun season-a a chhuahsan tur Paris Saint-Germain leh fan-te chungah lawmthu a sawi.

Manager Christophe Galtier chuan ningani khan Messi-a'n Paris a chhuahsan tur thu a lo sawi lang tawh a, a pan lam tur erawh kan la hre lo.

A club hlui Barcelona lam a pan rinna a lian ber a, Barca lam pawhin an nghakhlel hle tih thuchhuah tam takin an lo tarlang tawh bawk.

"PSG tana ka khel thei hi ka lawm em em a, team-a tel hi nuam ka ti a, player tha tak takte khelhpui hi nuam ka ti tak zet. Tawnhriat ropui tak ka neih avangin club chungah thinlung takin lawmthu ka sawi,"tiin Messi chuan a sawi.

Barcelona chuan La Liga lam atangin approval an ngaichang mek a, Messi kir lehna hi an thupui ber a ni rih.

PSG tan pawh Messi hi an player tha an chhuah tur awmchhun a ni lo a, Sergio Ramos pawhin Parc des Princes a chhuahsan tur thu zirtawpni khan tarlan a ni.