French club lian Paris Saint-Germain chuan Tottenham left-back Danny Rose chu an duh niin Sky Sports chuan a tarlang.

Tarlan danin Rose hian Tottenham hi chhuahsan kher lova first-team chang tura beih zel hnial lo mahse, contract hmui tak a mah zawrhtu an awm a nih chuan a chhuak hreh chuang lova, PSG chuan Spurs-a a hlawh ai tam pek an hnial lem lo.

Leeds academy chhuak Rose hi Tottenham-ah kum sawm chuang a awm tawh a, Tottenham chuan kum 2007 khan kum 29 mi hi Leeds United atangin pound maktaduai 1 sengin an lalut.

Tottenham chuan an fullback manah hian a tlem berah pound maktaduai 20 vel tal an phuta, PSG bakah German club Schalke pawhin Rose hi an rim ve mek bawk.

Tottenham chuan Rose hi hralh an tum hrim hrim niin a langa, pre-season tour-ah pawh an telh lova, club dang zawm tur a zawn vang niin Tottenham hian thuchhuah an lo siam tawh nghe nghe.

Rose hi a chhuak a nih chuan Tottenham hian Fulham fullback Ryan Sessegnon chu Rose thlaktu atan an hual niin tarlan a ni bawka, Sessegnon hian Premier League-a khelh lehna hun tha a nei thei dawn a nih hmel.

Tottenham hian an right-back Kieran Trippier chu Atletico Madrid lamah an lo hralh tawh a, Rose pawh chhuah tir leh an tum mek avangin Sessegnon bakah hian Norwich fullback Max Aarons chu lakluh an tum mek bawk a ni.