French club hausa Paris Saint-Germain chuan tunlaia Manchester United forward che tha tak, Marcus Rashford chu lakluh an duh thu English leh French chanchinbu thenkhat chuan an tarlang.

PSG hian English forward manah hian pound maktaduai 100 an thehchhuak phal nia sawi niin, nipui bazar lo awm turah, an mi lakluh tum ber tur a nih thu sawi a ni bawk.

PSG hian sum thehchhuah an hreh lova, leichhuah theih lova ngaih Neymar pawh Barcelona atangin euro maktaduai 222 in an lo lei tawh a nih kha.

United hian Rashford hi an chhuah tir phal dawn em tih sawi theih a ni lova, mahse an phal a rinawm lova, PSG hian pound maktaduai 100 aia to daiha an dawr a ngaih a rinawm hle.

PSG manager Thomas Tuchel chuan Rashford hi a ngaina hle nia sawi a ni a, kum 22 mi hi an squad thawm that nana an mamawh berah ngaiin, PSG hotute hnenah lalut turin an ngen nia sawi a ni.

Rasford hi tun season-ah Ole Gunnar Solskjaer-a hnuaiah a che tha hle a, United tan Premier League game 28 khel tawhin, goal 16 lai a khung tawh a ni.