Kum sarih chhungzet a awm hnuah Angel di Maria chuan PSG a chhuahsan dawn.
Kum 34 mi hian season tawp thleng daih chiah contract a nei tawh a, Inrinni hian French club tana a game hnuhnung ber ni tur leh Ligue 1 season kharna ni bawkah Metz an hmachhawn ang.
PSG president Nasser Al-Khelaifi chuan Argentine winger hi an club tan mi pawimawh leh hriatreng tlak niin a sawi.
PSG tan hian game 293 khelin goal 91 a khung tawh a, midang pet goal tur vawii 118 a siamsak tawh bawk.
Real Madrid leh Manchester United winger hlui hian khawilam nge a pan dawn ala hriatloh a, Juventus nen sawizawm mek an ni.