23 Sep 2019 12:14

bakteaJr.

Mizo tlangval

Professional Boxing Debut-ah Sangtea a chak nghal

Sete Boxing Academy chhuak Lalrinsanga Tlau (Sangtea) chuan a professional boxing bout hmasa berah Digari Mahesh a hmachhawn a, Sangtea hian hnehna a chang nghal.

Sangtea nena an inhmachhawn hma hian Digari hi hneh loh la nei lo a ni a, a record hi 2 wins 1 draw niin Sangtea lakah a tlawm zui ta a ni. Sangtea leh Digari-te hi lightweight division (61 kgs) ah an inhneka, Sangtea hi kg 60.1 a rit niin Digari hi kg 60.7 a rit a ni ve thung.

Sangtea hian contract la ziak fel chiah lo mahse duhtu leh a mah ngaichang tu an awm nghal nuala, promoter-te'n Sangte hi a hma thlir lam an ngaihven nghal viau niin thu dawn a ni. Sangtea hi boxing career-ah Knock-Out chu sawi loh, knock-down pawh a la tawng miah lo a, mahse heng erawh ameteur level-ah a ni.

Fight Report

Round 1: Taksa lian leh sang zawk Digari chuan advantage lak a tum hle a, tharum pawh a ngah viau nain Sangtea hian a defence leh counter that zia pho lang a, chiang takin round a la.

R2:  Digari game ngai bawk in rawn aggressive leh a, a che sual ta, right hand in rawn luta mahse Sangtea hian a vei lamin a lo hnek khalh a, Digari-a lu haiin Sangtea hian bawh zui tum mahse Sangtea hi a slip chhuak leh nghala, Digari an count a down.

R3: Sangtea khel țha tial tial a, Digari tih ngaihna vak a hre ko țan a, count ngai lek lek in hnek a dawng fo, mahse pro an nih avangin an count lo mai maiah a ngaih theih. Sangtea round hi a la leh

R4: Sangtea hian a tumpui pa hi 2nd round  leh 3rd  round-ah hnek fu tam viau mahse 4th round hian a kut veilam naa rawn zual a, Sangte'an a veilam a hmang țha ngam lo. Slip leh hook a hmang nasa a, in bawh thluk, in pawm an nei tam. Fighter te an hah ve țana, Sangtea hian round la leh.

R5: Digari hian KO lo chu Santea lakah chance a nei lo tih hriain a rawn vei fua fua tawh a, Sangtea hian remchangah lo la in, lo counter nan a hmang nasa. In pawm, in bawh leh tluk palh a awm nual.

R6: Last round a ni a, first round ang maiin a țang țha leh. Minute khat chhung vel chu tha thara in hnek leh ang an ni a, Digari rawn lut tur Sangte'an a lo right hook chu Digari-a lu a hai ta, referee-in count tuma a pan laiin a recover leh hman avangin count  a ni lo. Sangtea hi insiamrem zelin round hi a la leh.