07 Dec 2015 01:41

PC Lala

inkhel correspondent and photographer

Pro Fight quarterfinal atangin round 4 a ni dawn

Samsung 3:16 LPS Pro Fight round of 16 khelh zawh a ni a, quarterfinal atangin kalphung tihdanglam hret a ni dawn a, round tam zawk an khelh dawn bakah a behbawm tam zawka cheibawl a ni ang. November 12 atanga tan Pro Fight vawi nganaah first round atangin round khat minute thum, round thum zel an khel a, zan 22 chhungin round of 16 khelh zawh a ni. 

Quarterfinal atanga Title Fight thlengin round khat minute thum, round li zel an khel thung dawn a, anmahni zuitute nen boxing-in pangngai takin inhnek turin hruihrualah an lut tawh dawn a, ring girl hman a ni tawh bawk ang. A hmain boxer pahnih an inhnek zawh vek hnuah judge-te scorecard lak khawm thin a ni a, quarterfinal atang chuan round tinin judge-te scorecard lak khawm a ni tawh dawn a ni. 

Weight panga zinga paliah quarterfinal lut chinin lawmman pawisa fai an dawng thei bawk a, lightheavy-ah erawh tel an tlem a, mi 10 chauh khel tura ziah luh an nih avangin semifinal lut atangin lawmman pek a ni ve thung ang. Weight tina quarterfinal lutte hi December 7, thawhtanni chaw hnu dar 2-ah I & PR Conference Hall, Treasury Square, Aizawlah kohkhawm an ni a, hetah hian tale of the tape-a hman tur thla an lak dawn bakah boxer-te hriat tur pawimawh hrilh hriat an ni ang.

Quarterfinal lutte :

Lightfly:  H Lalramthanmawia (Hnahthial), Laldingliana (Tuipui), Lalrinsanga Tlau (Khawruhlian), Rochhingpuia (East Lungdar), Krosawmawia (Kolasib), Freddy Lalchhanchhuaha (New Serchhip), Joshua Lalchhanchhuaha (Vairengte) leh Chawnghmingmuana (Lunglei)

Bantam: Zoengmawia Hlawndo (Vairengte), HC Lalramfela (Chawngtlai), Malsawmtluanga Ralte (ITI), C Lalduhawma (Leitan), Lalnunfela (Zanlawn), Lalremsanga (Lungleng I), Justin Zothansanga (Saithah) leh Vanlalhriatkima (Chaltlang)

Light: Zomuansanga (Khatla South), Roneihsanga (Rangvamual), Lalrinawma (Reiek), Vanlallawmpuia (Durtlang), Joel Lalmuanpuia (Khatla East), John Guite (Zuangtui), Israel Hmingthansanga (Siachangkawn) leh Lalruatzela (College Veng)

Middle: Lalduhawma (North Chaltlang), Isaac Rothangpuia (West Phaileng), Lalhmangaihzuala (Saron Veng), Lalmuanpuia (CTI Sesawng), Lalbiaktluanga (Rangvamual), Hugo Runremsanga (Melriat), Jehova (Chaltlang Lily Veng) leh Boris Zoremsiama Sailung

Lightheavy: H Lalnunfela (Mamit), PC Lalmuankima (Saron Veng), Lalfakawma (Edenthar), Lalthanmawia (Saron Veng), HT Zohmingliana (Vaivakawn), Lalsangliana (Chaltlang Lily Veng), Joseph Zothanmawia (Zuangtui) leh H Lalrinhlua (Hnahthial)