04 Feb 2019 04:16

inkhel

Pro Fight a hun a thleng dawn ta

February ni 5, Thawhlehni zanah R Dengthuama Indoor Stadium, Mualpuiah Tata Motors Yodha 4x4 Pick-up LPS Pro Fight tan a ni dawn a, inhnek vawi 11 a awm ang.

Zar dar 8-ah tan tur a ni a, inhnek tan hmain a hawnna inkhawm tawi te a awm ang a, Social Welfare Department Minister Dr K Beichhua chuan khuallian niin a hmanpui dawn a ni.

Lightflyweight inhnek vawi nga, bantam inhnek vawi li leh light inhnek vawi hnih a awm dawn a, F Lalnunsanga (Saithah) leh Nelson HC Lalnunmawia (Zohnuai, Lunglei) chu innuai hmasa ber tur an ni.

Tawn hriat nei lo boxer-te a tir atangin an inhnek chho char char ang a, February 21-ah round of 16 khel tanin state dang panga atanga boxer 12 tel turte an inlan tan bawk ang.

February 15 atangin middleweight boxer-ten an khel tan dawn. Tun tumah hian lightheavy-a khel thin leh hriat hlawh tawhten middle title an chuh nual dawn a, champion lai Zarzoliana dinhmun a derthawng thei maithei ?

Vawi li (2009, 2010, 2011, 2014) lightheavy title la tawh Abel Lalawmawia chuan a vawi khat nan middle-ah a khel dawn. 2017 lightheavy 'Title Fight'-a chak zo ta lo Lallawmkima Sailo leh Hnahthial fighter H Lalrinhlua'n a vawi khat nan middle-ah an khel dawn bawk.

Lightheavy champion HC Johnkenty Vanhlimpuia an pumpelh thei dawn a, Tuipui chhuanvawr Vana hian 2014 atangin Pro Fight a khel a, a tumpui apiang hneh vekin weight hrang pahniha champion thei awm chhun a ni.

Fixture : Feb 5, 2019 - 8:00pm

Bout - 11

LIGHTFLY

F Lalnunsanga (Saithah) v Nelson HC Lalnunmawia (Lunglei)

AZ Tlado (Laki) v Lalrindika (Khawlailung)

Vardingliana (Chamring) v Malsawmtluanga (Vairengte)

Lalrokhawla (Lunglei) v PL Lalchhanchhuaha (Saichal)

Laldinpuia (Zuangtui) v Thangkhanmunga (Sawleng)

BANTAM

Lalhnehzova (Kanghmun) v Vanlalruatpuia (Saikhamakawn)

Zoremsanga Royte (Mamit) v Zidane Ramdinsanga (Nursery)

Lalremthanga (Sakawrdai) v Isak Rosangpuia (Lunglei)

Lalchhandam (Nursery) v Lalruatfela (Edenthar)

LIGHT

Lalhmachhuana (Durtlang) v Lalhruaisanga (Thingsulthliah)

PC Rosangpuia (Tlangnuam) v David Lalremruata (Zemabawk North)