President’s Cup 2019-20 ah hian Club 30 an tel a, Fixture hi Tie Draw a neih niin CAM IG ah Live Telecast-a pek chhuah thin a ni. Kum hmasa lama Finalist Bawngkawn South leh Chanmarians te bye-in kum dang ang lo takin Division sang zawk ten 1st Round atangin an khel tan a, kumdangah chuan 2nd Round atangin Division sang zawk ten an khel a, Round tir lam hi Division hniam lamin an khel hmasa thin a ni.

MCL Champion Kulikawn CC bakah Gorkha CC ten an khingpui te hneh vekin Final-ah an in tawng a, November ni 23, 2019 khan Durtlang Playground-ah final khelh a ni ta a ni.

Toss-ah Gorkha te chak in vawm hmasak an thlang a, Kulikawn tan Batsmen form ber C Lalrinsanga leh Vikas Kumar ten nidang pha lovin hma takah an out. Hei hian an game-ah nghawng a nei nghal tih phat rual a ni lo. Indra Kumar Chhetei che thain wicket 3 rang takin a la a, over 20 a zawh meuh chuan kulikawn ten wicket 9 hlohin run 112 bak an tlin lo a ni.

Kum 2009 hnua la Champion leh lo Gorkha ten Champion an tum takzet a ni tih a hriat theih a, Opener Abhay leh Sandeep te an khel tha thin hle, final-ah pawh hian bul pawh an tan tha leh pek hle mai. Wicket 3 a tlak ve hnuah pawh an Out Station player Saidul Barlaskar bakah Opener Sandeep te ding tlangin harsa lo takin over 14.4 ah an target an umphak ta a, kum 10 zet hnuah No Mawi an chawi leh thei ta a ni.

Kulikawn CC Out Station player Keeper Batsmen Vikas Kumar chu Best Batsmen leh Player of the Series-ah thlan a ni a, Zemabawk Pitchers spinner Ngurthansanga chu Best Bowler-a thlan a ni bawk.

President's Cup 2019 : FINAL

.Gorkha CC vs Kulikawn CC

Toss: Gorkha CC elected to Field

.

Kulikawn CC: 112/9 (20)

Parvez Ahmed 33 (36)

Rosiamliana Ralte Jr 21 (37)

Indra Kumar Chhetri 26/3 (3)

Rajesh Kumar 19/2 (4)

Gorkha CC: 115/4 (14.4)

Saidul Barlaskar 67* (30)

Sandeep 19* (28)

Moses 30/2 (3)

Rosiamliana Ralte Jr 29/1 (2)

Gorkha CC won by 7 wickets

M.O.M: Saidul Barlaskar