10 Sep 2019 10:02

inkhel

Premier League squad te kum chawh rual

August 1995 ah khan pundit Alan Hansen chuan tawngkam sawi zui hlawh tak mai a hmang a, “Naupangho nen chuan chak a harsa,” tih thu a sawi chhuak a ni.

Hemi season-ah hian Sir Alex Ferguson leh a pawlte, Manchester United chuan class of 92 an chhawr tangkai chho a. Player la naupang sel sawl tak hmangin United chuan league title an la a, hemi hnuah hian Europe khawmualpuiah pawh ro an rel thei hial a ni.

Hetiang boruak intan atanga kum 11 dawn a kal leh hnuah Manchester United starting XI chu Premier League club dang player te aiin an naupang zawk niin a lang a. Tun hnaia player an lei thar, kum 21-a upa Aaron Wan-Bissaka leh kum 21-a upa Daniel James te bakah United academy atanga chawr chhuak kum 21-a upa Marcus Rashford, kum 22-a upa Scott McTominay leh kum 23-a upa Andreas Pereira te vangin an squad kum chawh rual chu a hniam phah hle.

A pumpuiah Premier League team hrang hrangte starting XI te kum chawh rual chu kum 11 chhunga a hniam ber tum a ni a. Team tam zawkte chuan an squad an siksawi nasa a, kum upa lam banin kum naupang deuh zawk chhawr tangkai dan an ngaihtuah nasa hlawm a, hei vanga hniam thei ta hi niin a lang.

Premier League match 40 khelh tawhah club hrang hrangin khelmuala player an theh chhuahte chu chawh rualin kum 26 leh ni 275 a upa an ni.

Chawh rual hian Arsenal squad chu naupang ber an ni a, an player kum chawh rual chu 25.1 niin, Premier League club zingah chuan anni aia naupang hi an awm lo a. Burnley chu player kum chawh ruala upa ber an ni thung a, an player thenkhat Aaron Lennon, Ashley Barnes leh Phil Bardsley te zarah an kum chawh rual hi a san phah a ni.

Clarets player te kum chawh rual hi 29 a ni a, hetianga sang hi a dang an awm lo a. Jurgen Klopp chuan player naupang zawk chhawr uar viau mahse Top 10 huangah chuan a awm pha chuang lo a, senior team-ah player 22 chauh a nei a ni.

Chelsea chuan Top 5 ah hmun an chang a, palina an ni a. Academy player rual an chhawr nual a, Mount leh Abraham te an awm laiin, Cahill leh Zappacosta te an chhuak ve thung a, hei vang hian palina hi an nih theih phah niin a lang.

The average age of starting XIs in August:

Season - Age | Season - Age

1992/93 - 26y 293d | 2006/07 - 27y 37d

1993/94 - 27y 66d | 2007/08 - 26y 300d

1994/95 - 27y 60d | 2008/09 - 26y 265d

1995/96 - 27y 98d | 2009/10 - 27y 132d

1996/97 - 27y 116d | 2010/11 - 27y 198d

1997/98 - 27y 162d | 2011/12 - 27y 63d

1998/99 - 27y 78d | 2012/13 - 27y 182d

1999/00 - 27y 237d | 2013/14 - 27y 116d

2000/01 - 27y 215d | 2014/15 - 27y 38d

2001/02 - 27y 228d | 2015/16 - 27y 62d

2002/03 - 27y 132d | 2016/17 - 27y 261d

2003/04 - 27y 241d | 2017/18 - 27y 67d

2004/05 - 27y 198d | 2018/19 - 27y 22d

2005/06 - 27y 169d | 2019/20* - 26y 275d

*includes 1 Sep 2019 fixtures