Tottenham Hostpur manager Jose Mourinho chuan Premier League a ni emaw FA Cup a ni emaw a tan eng mah a danglam loh thu a sawi.

Tottenham chuan FA Cup fourth round inkhelah zanin dar 8:30 hian Southampton an tlawh dawna, Tottenham chuan Premier League ang chiahin he inkhel hi a ngai pawimawh dawn niin a lang.

Mourinho chuan, “Game vek a ni a, a competition lam hi kei chuan ngaihtuah pawh ka ngaihtuah lo. Premier League inkhela Southampton tlawh tur pawh ni ila ka tan chuan eng mah a dangkam lova, tih danglam tur pawh a awm lo.

“FA Cup hi ka la thei dawn em chu kan hmu mai dawna, tunah rih chuan team 32 kan la dama, Last 16 khel tura inpet tlin kan tum dawn. Southampton hi team tha tak an ni a, keini aiin inpuahchahna hun darkar 24-in an ngah zawk bawk.

“Team tha leh inringtawk tak, mahni indah hniam lo tak leh hmachhawm hauhtak em em mai an ni a, chuvang chuan kan inkhelh hunah pawh thil a awlsam dawn lo hle a ni,” a ti.

Kumthar ni khan Tottenham leh Southampton-te hi an lo inhmachhawn tawha, Spurs hi si khat faiin an tlawma, FA Cup lamah erawh Tottenham hian hneh ngei an tum tawh dawn a ni.