Kyle Walker chu Premier League player zingah 2019-20 chhunga tlan chak ber niin, 23.49 mph a chakin a tlan a ni.
Thla hmasa, June 25 ah khan Manchester City leh Chelsea an inkhel a, he inkhelah hian Manchester City right-back Kyle Walker chu 23.49 mph a chakin a tlan a, tun season chhungin hei aia chaka tlan thei hi an awm lo.
Season tawp niah khan Wolverhampton Wanderers leh Chelsea inkhelh tumin Wolves leh Spain wing-back Adama Traore chu a tlan chak viau mai a, 23.48 mph a chakin a tlan a, tun season chhunga tlan chak lamah pahnihna a ni.
March 1 a Manchester United leh Everton inkhelh tumin Mason Greenwood chu 23.36 mph a chakin a tlan a, pathumnaah a awm a. July 5 a Aston Villa leh Liverpool inkhelha 23.36 mph a tlan Trezeguet bakah nikum November 3 a Manchester United leh West Ham United inkhela 23.36 mph a tlan Aaron Wan-Bissaka te chu pathumnaah hian an awm ve bawk a ni.
Anni pathum hnuai chiahah hian nikum November 3 a Leicester City leh Crystal Palace inkhelh tuma 23.33 mph a chaka tlan Caglar Soyuncu a awm a. December 15 a Arsenal leh Manchester City inkhelh tuma 23.27 mph a tlan Ainsley Maitland-Niles chu a hnuai chiahah hian a awm bawk.
Shane Long chu December 8 a Southampton leh Newcastle United inkhelh tumin 23.21 mph in a tlan a, December 15 a Manchester United leh Everton inkhelha 23.17 mph a tlan Fred bakah, October 26 a Manchester City leh Aston Villa inkhelha 23.07 mph a tlan Phil Foden te chu Top 10 huangah hian an awm ve bawk a ni.