Premier League 2020-21 season a kal chho mek a, goal pawh a luh belh zel bawk a. Season kal mekah goal thun thei deuh bik chu an awm nual hlawm a, season tawpa Golden Boot dawng thei tur rin thiam a la harsa rih hle.
A tlangpuiin season tawpa goal thun hnem ber ni thei tur chuan season tluana goal 20 chuang thun thei nih a ngai thin a. Tuna an khelh tawh chinah chuan Premier League goal 20 thun tling an la awm rih lo a, a teuh zual pahnih erawh an awm.
Tun dinhmunah Tottenham Hotspur striker Harry Kane leh Liverpool striker Mohamed Salah te chu an chungnung ber a, goal 19 ve ve an thun tawh a. An hnuai chiahah hian Manchester United midfielder Bruno Fernandes a awm a, Portuguese playmaker hian goal 16 chu a thun ve tawh bawk a ni.
Everton striker Dominic Calvert-Lewin, Leeds United striker Patrick Bamford leh Tottenham Hotspur striker Son Heung-min te chuan goal 14 theuh an thun tawh a, pathumnaah an awm mek a ni.
Arsenal forward Alexandre Lacazette chuan goal 13 a thun tawh a, palina dinhmun a luah mek a. A hnuaiah hian goal 12 thuntu Ollie Watkins (Aston Villa), Ilkay Gundogan (Manchester City) leh kum hlui lama Golden Boot dawngtu Jamie Vardy (Leicester City) te chu an awm bawk.
Jamie Vardy hian 2019-20 season chhung khan Leicester City tan league game 35 khelhah goal 23 a thun a, Premier League Golden Boot a dawng a. He chawimawina hi a dawn vawi khatna niin, 2015-16 season-ah khan goal 24 a thun a, kha mi tuma Golden Boot dawngtu Harry Kane kha goal khatin a pha ta lo bawk a ni.
Callum Wilson (Newcastle United) leh Marcus Rashford (Manchester United) te chuan goal 10 ve ve an thun tawh a, parukna dinhmun an luah mek a. Goal 9 thun tawh hi an awm nual a, Wilfried Zaha (Crystal Palace), Harvey Barnes (Leicester City), Pierre-Emerick Aubameyang (Arsenal), Raheem Sterling (Manchester City), Riyad Mahrez (Manchester City), Tomas Soucek (West Ham United) leh Danny Ings (Southampton) te chu goal 9 thun tawh an ni.
Diogo Jota (Liverpool), James Maddison (Leicester City), Neal Maupay (Brighton), Gabriel Jesus (Manchester City), Jesse Lingard (West Ham), Jarrod Bowen (West Ham) leh Kelechi Iheanacho (Leicester City) te chuan goal 8 theuh an thun tawh bawk a ni.
Premier League goal thun hnem:
1. Harry Kane, Tottenham : 19
1. Mohamed Salah, Liverpool : 19
2. Bruno Fernandes, Manchester United : 16
3. Dominic Calvert-Lewin, Everton : 14
3. Patrick Bamford, Leeds United : 14
3. Son Heung-min, Tottenham : 14
4. Alexandre Lacazette, Arsenal : 13
5. Ollie Watkins, Aston Villa : 12
5. Jamie Vardy, Leicester : 12
5. Ilkay Gundogan, Manchester City : 12
6. Callum Wilson, Newcastle : 10
6. Marcus Rashford, Manchester United : 10
7. Wilfried Zaha, Crystal Palace : 9
7. Harvey Barnes, Leicester City : 9
7. Pierre-Emerick Aubameyang, Arsenal : 9
7. Raheem Sterling, Manchester City : 9
7. Riyad Mahrez, Manchester City : 9
7. Tomas Soucek, West Ham : 9
7. Danny Ings, Southampton : 9
8. Diogo Jota, Liverpool : 8
8. James Maddison, Leicester City : 8
8. Neal Maupay, Brighton : 8
8. Gabriel Jesus, Manchester City : 8
8. Jesse Lingard, West Ham : 8
8. Jarrod Bowen, West Ham : 8
8. Kelechi Iheanacho, Leicester City : 8