Manchester City chu Premier League champion lo ni tawh zawng zawngah chuan an dah sang ber a, ‘Centurions’ chu champion ropui berah an thlang.

Tun hnaiah khan GQ chuan 1992-93 season atanga Premier League champion lo ni tawh zawng zawngte ranking an siam a, hetah hian Manchester City ‘Centurions’ chu pakhatnaah an dah a, pahnihnaah chuan Jurgen Klopp kaihhruai Liverpool an dah.

Pep Guardiola kaihhruai Manchester City 2017-18 chuan point 100 ngawt an hmu thei a, khatiang taka an chet that avang khan champion ropui bera thlan an nih theih phah a. Liverpool 2019-20 team, an game hmasa 27 khelha vawi 26 chak thei chu pahnihna an ni.

Vawi 13 ngawt Premier League title la tawh Manchester United chu an sang vak lo hle a, an lan hmasak berna pawh 7-na daih a ni a. Sir Alex Ferguson kaihhruaina hnuaia double winner an nih tum, Eric Cantona tel lai 1993-94 season zara 7-naa awm thei hi an ni.

Manchester City 2018-19 chu pathumnaah an dah a, Jose Mourinho kaihhruai Chelsea 2004-05 chu palina niin, Antonio Conte kaihhruai Chelsea 2016-17 team chu pangana an ni a, Jose Mourinho kaihhruai Chelsea 2005-06 chu parukna an ni bawk.

GQ Ranking:

28. Manchester United (1996/97)

27. Arsenal (1997/98)

26. Manchester United (1998/99)

25. Manchester United (2010/11)

24. Manchester United 2002/03)

23. Manchester United (1992/93)

22. Manchester United (1995/96)

21. Leicester City (2015/16)

20. Manchester United (2000/01)

19. Blackburn Rovers (1994/95)

18. Arsenal (2001/02)

17. Chelsea (2014/15)

16. Manchester United (2007/08)

15. Manchester United (2008/09)

14. Manchester United (2012/13)

13. Manchester City (2013/14)

12. Chelsea (2009/10)

11. Manchester United (1999/2000)

10. Manchester City (2011/12)

9. Manchester United (2006/07)

8. Arsenal (2003/04)

7. Manchester United (1993/94)

6. Chelsea (2005/06)

5. Chelsea (2016/17)

4. Chelsea (2004/05)

3. Manchester City (2018/19)

2. Liverpool (2019/20)

1. Manchester City (2017/18)