Premier League club-te chu Video Assistant Referees (VAR) chu season thar 2019-2020 season atanga hmang tan turin an inlungruala, inremna an nei.

Nimin ningani khan VAR chungchangah Premier League chuan meeting neiin, FA Cup leh Carabao Cup-a VAR hman a nih chungchang leh league hrang hranga VAR hman a nih chungchang sawi ho a ni a, inremna hi an nei chho nghal bawk.

VAR hi FA Cup leh Carabao Cup-ahte hman chhin a ni mek tawh a, mahse hman chhinna chauh a nih avangin tihlan a ni ngai lem lova, hetiang hian season tluana kalpui a la ni zel dawn bawk.

Premier League thuchhuah chuan International Fooball Association Board leh FIFA hnenah season thar VAR hman dilna chu official takin an thehluh tur thu an tarlang.

League lian thenkhat Bundesliga, La Liga leh Seria A-te chuan VAR hi an hmang reng tawh a, UEFA chuan season thar 2019-2020 season atangin Champions League-ah pawh VAR hi hman a nih tur thu an lo tarlang tawh.

VAR hi kumin World Cup-ah hman a ni tawh a, a rintlak thawkhat viau a, hmang duh an pung telh telh a, Europe-a league liante chuan an hmang deuh vek tawh dawn niin a lang.