Aston Villa chuan AC Milan atangin Spaniard goalkeeper Pepe Reina chu tun season chhung atan loan-in an lalut fela, AC Milan hian Chelsea goalkeeper hlui Asmir Begovic chu tun season chhung atan loan-in an lalut ve nghal bawk.

Premier League kai thar Aston Villa first choice goalkeeper Tom Heaton chu na taka a inhliam avangin tun season chhung a inkhel thei tawh dawn lova, hemi a nih avang hian Villa chuan Liverpool goalkeeper hlui tawnhriat ngah tak Reina hi an lalut.

Sunday liamta khan Premier League inkhelah Aston Villa chuan Manchester City chu 6-1 laiin an hneh lova, he inkhelah hian kum 37 mi Reina chu stands lam atangin inkhel a thlira, ni khat hnuah official-in an in lalut fel zui.

Begovic hi Bournemouth player niin Qarabag lamah loan-in a khela, Bournemouth-ah kirin AC Milan chuan an lalut chhunzawm ve leh nghal.

AC Milan hian an first choice keeper Gianluigi Dinnarumma thachhangdawl tu ber Reina an chan tak si ah chuan kum 32 mi Begovic hi an laluta, Begovic hi Italian goalkeeper Donnarumma thachhangdawl tu a ni ve thung dawn ta a ni.