​Premier League-ah Pique kan hmu tawh dawn lo

28th May 2015, 01:05AM

Barcelona defender Gerard Pique chu a club hlui Manchester United nen thawk khat lai khan sawi zawm ni mahse Premier League lama kir leh a tum loh thu chiang takin Spanish chanchinbu Marca chuan a tarlang.

Pique hian Barcelona-a a hun tawp thlenga khelh a duh thu a sawi chiang a, "Team dang kawr ha leh tur hian ka inngai tawh lo hrim hrim a ni," tiin Marca a hrilh.

Kum 28 mi hian Barcelona tan season duhawm tak a hmang chho mek a, La Liga Champion thar an nih mai bakah kumin hian treble theihna chance tha tak an nei a. June ni 6-a Champions League final an khelh hmain Copa del Rey final-ah Athletic Bilbao an hmachhawn dawn a ni.

La Masia atangin Football tha takin a zir, 2004 khan Man Utd a zawm a, 2004-2008 Manchester United-ah a cham. 2008 khan a club Barcelona chuan an la kir leh ta a. Kum 4 chhung contract thar Barcelona hian an ziahpui leh tawh. Pique chuan club danga insawn leh ai chuan Football bansan mai pawh a hreh dawn loh thu a sawi chhuak a.

"Barca-ah hian ka Football hun tawp ka hmang ang. Engtikah nge ni ang tih chu ka sawi thei lo. Club dang jersey ha leh tur hian ka indah tawh lo. Nakkum hian Club chhuahsan ngai tase, kum 29 mi chauh pawh niin Football ka chawlhsan mai ang," tiin Marca a hrilh a ni.

Copyright © inkhel.com 2024. All rights reserved.