Bayern Munich executive director Oliver Kahn chuan, an striker Robert Lewandowski chuan chhuah duh mah se, an hnenah pre-season atan a in report a beisei thu a sawi.

Kan hriat theuh tawh angin, Polish goal thun khawl Lewandowski hian Bayern hi chhuahsan a duh a, a chhuah duh thu pawh hi a zep lova, mahse Bayern hian chelh an duh ve thung.

Barcelona chuan kum 33 mi hi lakluh an tum hle a, mahse Bayern hian an hnena kum khat contract a la neih avangin Lewandowski hi chhuah tir mai an tum lo hle.

Kahn chuan, “Robert-a chungchangah thu thar a la awm lem lova, kan hnenah kum 2023 thleng contract a la nei a, pre-season training atan a rawn kir ngei kan beisei. Robert hian Barca leh club dang dawrna te a bih chiang mek a, chutih rual chuan Bayern-a contract nei lai a ni tih erawh kan hriat a ngai a, kan lungphang lo,” tiin a sawi.

Season liamta khan Lewandowski hi a khel tha leh pek hle a, Bayern tan game 50 khelin, goal 46 ngawt a thun a, season sarih chhung a zawnin season tin goal 40 a khung tling tawh a ni.

Inkhel Youtube News, Pic-ah hian click rawh le