Australian Grand Prix neih tur practice session-ah British Formula One driver Lewis Hamilton chu a tlanchak ber.

F1 season bul tan a ni leh tawh dawna, champion lai Hamilton chuan bul a tan tha nghal hle a, beiseina pawh a sang .

Mercedes driver Hamilton hi Ferrari driver Sebastian Vettel aiin a hma hreta, an inthlauhna hi second 0.038 chauh a ni.

He practice session-ah hian Toro Rosso driver Alexander Albon chu a chesuala, mahse Thai driver hi a na lutuk lo tura ngaih a ni.

Albert Park-hi vut leh pawng eng emaw a awm nual avangin chetsual a awl bika, driver thar pahnih Lando Norris leh George Russell-te chu an fimkhur hle. Norris hi 18-na niin, Russell hi a tawp ber a ni thung.

Mercedes driver Hamilton chuan kar liamta khan Mercedes chu Ferrari aia an hnufual thu sawi mahse, practice session-ah erawh Ferrari in an tluk lo nghal.

Driver lar Kimi Raikkonen chu parukna a ni a, Max Verstappen chu palina a ni thung a ni.