Portland Trail Blazers chak chhan McCollum

26th March 2018, 05:03PM

Portland Trail Blazers chuan Oklahoma City Thunder an hneh a, he inkhelah hian C.J. McCollum a langsar hle.

McCollum hian point 34 a score bakah rebound 4 leh assist 4 neiin, Portland hian an mikhualna ramah Oklahoma chu 108-105 in an hneh theih phah a ni.

Damian Lillard chuan Blazers tan hian point 24 a thun ve bakah rebound 7 lain, assist 5 leh steal 3 a nei bawk a. Lillard hian free-throw 58 chu a zawnin a thun ta bawk a. Jusuf Nurkic pawhin point 17 thunin rebound 12 a la bawk.

Russell Westbrook chu Thunder tan a che tha deuh ber a, point 23 a score a, assist 9 neiin rebound 8 a la a. Steven Adams chuan point 18 a score a, rebound 10 a la a ni.

An chak avang hian Portland Trail Blazers hi Western Conference-ah pathumna an la ni a, Oklahoma City Thunder hi palina an la ni pha a ni.

Celtics point guard Terry Rozier chuan point 33 thunin Boston chu Kings lakah 104-93 in a chakpui a. Inhliam Kyrie Irving aia khel Rozier hian rebound 5 lain steal 5 a nei bawk.

LeBron James chuan point 37 a thun a, rebound 10 lain assist 8 a nei a, Cleveland Cavaliers chuan Brooklyn Nets chu 121-114 in an hneh theih phah a ni.

LaMarcus Aldridge chuan point 34 a thun a, rebound 7 a la bawk a, San Antonio Spurs chuan 106-103 in Milwaukee Bucks an hneh lo a, Pau Gasol pawhin point 22 a thun.

Donovan Mitchell chuan rookie record thar a hnaih chho zel a, point 21 a score a Utah Jazz chu Golden State Warriors lakah 110-91 in a chakpui a. Mitchell hian Stephen Curry (166) chu lehpelin NBA khawvelah rookie zinga three-pointer thun hnem ber nih a hnaih sawt hle a. Mitchell chungah hian Damian Lillard (2012-13 season-ah 185) chiah a awm tawh a ni.

Result hrang hrang:
Cleveland Cavaliers 121-114 Brooklyn Nets
Milwaukee Bucks 106-103 San Antonio Spurs
Indiana Pacers 113-107 Miami Heat
Boston Celtics 104-93 Sacramento Kings
Los Angeles Clippers 117-106 Toronto Raptors
New York Knicks 101-97 Washington Wizards
Portland Trail Blazers 108-105 Oklahoma City Thunder
Houston Rockets 118-99 Atlanta Hawks
Utah Jazz 110-91 Golden State Warriors

Copyright © inkhel.com 2024. All rights reserved.