Puitling film website lar tar PornHub chuan Atalanta midfielder Matteo Pessina chu an brand hming chuanna thil chi hrang hrang an pe.

Thla hmasa khan AC Milan player hlui Pessina hi a season chawlh hmang zovin training turin Atalanta-ah a kir a, hetah hian PornHup bag akin, a bag ahah hian pornstar hrang hrang signature a awm nghe nghe a, a lar phah hle.

Heti anga PornHub bag training-naa a ah hnu lawkah hian Pessina hi PornHub chuan an hmuh hmaih loh zia lan tir nan PornHub thil chi hrang hrang an thawn a, an thawn zingah hian bag, lukhum leh t-shirt te pawh a tela, Pessina hian instagram lamah pholangin PornHub hnenah lawmthu a sawi nghe nghe.

Heti ang taka an inkungkaihna a tha chho zel a nih chuan Pessina hi PornHub chuan an brand ambassador-ah an hman mai pawh a rinawm chho viau.

PornHub hian Atalanta sponsor an tum dawn niin chanchinbu thenkhat chuan an ziak lang nghala, mahse a thlen tak tak a rinawm loh viau. A thlen tak tak rinawm lo mahse PornHub hian Atalanta hi an sponsor lovang tih tunah chuan a la sawi theih lova, sports-ah hian team thenkhat chu pornsite-in an sponsor tawh thin a ni.