Juventus goal keeper Gianluigi Buffon hi French midfielder Paul Pogba that zia hrechiang ber tu pakhat a ni chiang khawp ang le. Manchester United-in Pogba awlsam taka an chhuah tir kha mak a tiin United chu Buffon chuan mawl a ti hle.

He thu hi Sports writer James Robson chuan Manchester Evening News-ah a ziak lang a. United hian 2012 khan free transfer-in Pogba hi an chhuah tir a. United midfield-a regular taka a khelh theih dawn loh avangin Pogba hian contract United-in an zawrh chu hnawlin chhuah a thlang a. Khami tum khan Sir Alex Ferguson chuan he French midfielder hi United-a cham turin a chelh thei chiang mai, mahse khatia chhuah tir an phalsak ta kha Buffon chuan mak a ti hle a ni.

United hian an midfielder hlui hi tun hnuah an ngaihven leh nasa, Manchester City, Real Madrid, Barcelona, Bayern Munich, PSG leh Chelsea te pawhin lei tuma an hel mek a ni a. Heta tang hian engtiang chiaha tha nge a nih sawi vak ngai lovin kan hre thei mai awm e.

Buffon chuan kum 22 mi Pogba chungchang sawiin,"Traning kan neih tirh atang khan a that zia kan hre nghal mai.Engtiang chiahin nge United khan Pogba hi an lo hmuh tih hi a mak ka ti a ni, tarmit dang an vuah ni ngei tur a ni. Naupang tea hetiang khawpa tha ni thei hi ka la hre ngai lo. A chak a, technique-ah a tha em em a, khawi hmunah pawh a chhawr tlak.

"Pogba chuan Pogba tih theih ang chiah a ti thei. Messi leh Ronaldo te ang hian. United hian khawvela player tha ber pakhat an chhuah tir, keini tan erawh thu lawmawm a ni," tiin.