Pogba-a'n Barcelona zawm a chak - Laporta

25th June 2015, 08:06PM

Barcelona President chuh tum Joan Laporta chuan Pogba-a'n Barcelona zawm a chak thu a sawi.

Juventus midfielder kum 22 lek a upa Pogba hi Europe a club lian zawng zawng in an midfield luahlum turin an awt a, Juventus hi a chhuahsan ngei hmel bawk.

Barcelona hian President thar thlan an hmachhawn dawn hnai a, president nih tum te pawhin vote hmuh nan player tha lakluh an duh te an sawi chhuak nual tawh a ni.

Laporta hian Pogba chungchang hi sawiin, "Pogba hi ka lalut thei a nih ngat chuan ka ti fuh hle ang.

"Player naupang, tha hruai ngah tak a ni a, Barcelona hi zawm a chak bawk.

"Pogba agent Mino Raiola nen hian kan in hre tha hle a, Pogba hi lakluh kan tum a nih ngat chuan Raiola hi kan chhawr tangkai dawn khawp" tiin a sawi.

Laporta hi Barcelona president kum 2003-10 chhung khan a lo ni tawh thin a ni.

Copyright © inkhel.com 2024. All rights reserved.