NBA player te chuan James Harden chu tun season chhunga Most Valuable Player atan an thlang.

Houston Rockets guard James Harden hi NBA player rualin vote an thlakah vote hmu hnem ber a ni a, Harden hi tun season-ah a average chu 30.4 point niin, assist 8.8 leh rebound 5.4 a ni a. Rockets chu tun season chhungin 65-17 a nihpui a, Western Conference finals-ah Golden State Warriors an hneh ta lo a ni.

2015 khan NBPA chawimawina an sem tirhin Harden hi Most Valuble Player atan player rual hian an lo thlang tawh bawk a. Nikum khan Oklahoma City player Russell Westbrook chu player hoin MVP atan an thlang a, league MVP pawh a ni tel.

LeBron James chu National Basketball Player’s Association in an tih thar, NBPA People’s Champ award an hlan a. James Harden chuan ‘Toughest to Guard’ award a dawng tel bawk a. Vince Carter chuan ‘Most Respected’ award a dawng a, Donovan Mitchell chuan ‘Leader of the New School’ award a dawng bawk.

Oklahoma City player Russell Westbrook chuan ‘Best Side Hustle’ award leh ‘Freshest Award’ a dawng a ni.

June 25 khian NBA chuan tun season chhunga chawimawina an siam ho an sem dawn a ni.