Pistons tan Griffin-a’n point 50 a thun tling

24th October 2018, 10:10PM

Blake Griffin chuan point 50 ngawt a score a, a la score san ber tum niin Detroit chuan Philadelphia chu 133-132 in an hneh hram a ni.

Detroit Pistons leh Philadelphia 76ers inkhel hi an inhnehtawk hle mai a, overtime an khel a, second 1.8 chauh a awm tawh tihin Blake Griffin chuan a thun a, Pistons chu a chakpui hlauh a. Point 33 score a rebound 11 latu Joel Embiid chuan hun tawp ruala a team te chakpui theihna hun chu a bawhpelh ta hlauh a ni.

JJ Reddick chuan point 30 a score a, Jackson chuan point 23 a score a, Ish Smith pawhin point 21 a score bawk a. Pistons hian vawi thum an khelh tawhah hneh loh an la nei lo a, hetiang taka bul an tan that hnuhnun ber chu 2015-2016 season khan a ni a, hemi tum hian playoff an khel a ni.

Hmun dangah Anthony Davis chuan point 34 a score bakah rebound 13 a la a, New Orleans Pelicans chuan Los Angeles Clippers chu 116-109 in an hneh a. Pelicans hi game thum khelh tawhah an la chak vek a ni.

Elfrid Payton chuan point 20 a thun a, Julius Randle pawhin point 18 a thun bawk a. Tobias Harris chuan point 26 a thun a, Danilo Gallinari chuan point 24 a thun bawk a, Lou Williams chuan point 17 a thun bawk.

Denver Nuggets chuan 126-112 in Sacramento Kings an hneh a, Jamal Murray chuan point 19 a score a, heng zinga point 14 hi third quarter chhunga a thun an ni a. Nikola Jokic chuan point 14 a score a, rebound 12 a la bawk a ni.

Nuggets hian 2009-10 season tan tirah khan 5-0 in bul an tan a, khami hnua a vawi khatna atan tun season-ah bul an tan fuh leh hle a. Game 4 an khelh tawhah an la chak ta vek a, Gary Harris chuan point 18 a score a, Paul Millsap pawhin point 15 a score bawk a ni.

Copyright © inkhel.com 2024. All rights reserved.