Pique hi Hooligan ang mai a ni- Clemente

15th January 2016, 04:01PM

Espanyol Coach hlui Javier Clemente chuan Barca defender hram tla hawlh ve tak Pique chu Hooligan (fans buaina siam ching) ang maia a chet thin thu a sawi.

Copa Del Rey second-leg Khelh zawh takah khan Barca chuan Munir El-Haddadi goal hnih hmangin Espanyol hi an khelmualah an hneh a. Catalan club pahnih inkhelh tum hian Espanyol stadium Estadi Cornellà-El Prat chu fans ten an luah khat zo lo a, hemi hmusit tak hian Pique chuan," Hnam tlem, tha bik angin anga insawi ve si mahni stadium pawh hnamwkhat zolo, hnam tlem chu in lo ni takzet a nih hi" tiin a tawng chhuak a ni.

Espanyol coach hlui tuna Libya National Team enkawl mek Clemente chuan Espanyol Radio Sation 4G hnenah sawiin," a chang hi chuan Pique hi Hooligan ang maia chet a ching a ni. Barcelona Hooligan a ni a, Spain leh Barcelona tana player pawimawh tak a ni tih hi a hre lo a a ang, fans ang mai chet hi a bansan a ngai a ni" tiin thurawn pe pawhin a lawh loh thu a sawi.

Pique hian Copa Del Rey atanga player hrem lai Real-in an hman avanga an tlak tum pawh khan Twitter-ah ngeiawm takin Real nuihsawh zawngin a lo post tawh a, Madrid captain Ramos-a'n a call-in an in chhang nual tawh a ni. Season hmasa a Barca La Liga-a an champion tum pawh khan Champion parade an neih tumin Ronaldo deu zawngin," Kevin Roldan i chungah kan lawm e" tiin Real-in an hmelma Atletico-an hneh loh hnua C.Ronaldo birthday lawmna a zai Colombian zaithiam hmangin ngeiawm takin a lo tawng tawh bawk.

Copyright © inkhel.com 2024. All rights reserved.