Barcelona leh Spain defender Gerard Pique chuan nimin kha ram tana inkhelh a chawlhsan thu a puang.

Spain hi kumin World Cup-ah a che tha lem lo hle a, World Cup tan hma lawkin coach Julen Lopetegui an bana, Fernando Hierro-a’n World Cup chhung a enkawl lailawka, World Cup zawhah Hierro hian Spain hi enkawl chhunzawm loh a thlang avangin Spain hian Barcelona manager hlui Luis Enrique an laluta, Pique hian a pu hlui Enrique a hrawn nawn dawn ta lo.

Spian tan kum 31 mi Pique hian vawi 102 lai a khel tawh a ni.

Pique chuan inkhelh a chawlhsan thu sawiin, “European Championship leh World Cup-te ka chawi tawh a, hun tha tak ka hmanga, mahse thawnthu chuan a tawp a thleng ta. Luis Enrique pawh ka hrilh tawh a ni,” a ti.

World Cup hma lawk khan Pique hian inkhelh a chawlhsan hnaih tawh thu a lo sawi thawi tawh a, a thianpa Andres Iniesta hnung zuiin ram tana inkhelh a chawlhsan ve ta ni.

Pique hian senior level-ah Spain tan kum sawm bawr vel khelin , a hlawhtling hle a, kum 2010 khan World Cup nomawi chawipuiin, kum 2012 khan Euro a lakpui bawk a ni.

Barcelona denfender hian U19 level-ah pawh Spain hi Euro a lo lakpui tawh bawk.