Petr Cech Arsenal ah a lut chian hmel ta?

19th June 2015, 03:06PM

Chelsea goalkeeper Petr Cech chu Arsenal lamah a kal dawn chiang ta niin a lang ta.

Arsenal manager Arsene Wenger chuan Petr Cech chu Arsenal ah a luh chuan a no 1 a nih tur chian thu a sawi niin an sawi a, £10million velin Arsenal leh Chelsea te hi an in be fel thawkhat tawh ang a sawi a ni bawk.

Kum 33 a upa Cech hi kan tarlan tawh thin angin PSG lam pawhin contract tha tak ziahpui an tum a, mahse an chhungkua a London lama an inben bel tawh avangin Arsenal lam hi a awn zawk niin an sawi bawk a ni.

Cech-a chungchang hi tun atanga ni reilote ah tihfel vek hman tawh a nih a rinawm a, Chelse manager Jose Mourinho-a'n Arsenal lamah kal tir loh hram duh mahse amah Cech-a'n Arsenal a awn miau avangin a dan theih bik a rinawmloh.

Hetihlai hian season kalta a Arsenal no 1 Ospina erawh Cech-a Arsenal a a luh chuan a chhuah ve nghal a rinawm bawk a, Ospina hi £4m target in Turkish club Fenerbahce in an rim ve mek bawk nin a sawi a ni.

Arsenal no 1 ni reng thin Wojciech Szczesny erawh Arsenal ah cham zel a tum a, tun hnaiah a nungchang thatloh avangin harsatna neuh neuh tawk mahse Arsenal ah a dinhmun ngai luah leh turin theihtawp chhuah a tum a ni.

Copyright © inkhel.com 2024. All rights reserved.