Manchester City chuan an game hnuhnung berah Southampton chu si khat faiin an hneh lova, an zawnin Premier League-ah away-ah vawi thum an tlawmna a ni.

City hi champion lai niin tun season an khela, mahse Liverpool elpha lovin, an nomawi an humhim thei lova, tun season-ah vawi kua lai league-ah an tlawm tawh.

City manager Pep Guardiola hian manager a nih hnuah a a vawi khat nan a team-te away-ah a zawnin vawi thum a tlawmpui a, Guardiola hian khel tha tho si a, an chak loh thin chhan hi a hre bik lo.

Guardiola chuan Southampton an hneh loh hnuah an chak loh chungchang sawiin, “Kan khel tha em em chungin chak turin a tawk zo ngai lova, goal khung thei lo team kan ni lo chianga a chhan chu goal khung hnem ber kan ni mek.

“Chance pawh kan insiam hnema, goal chhuah tam ngai lo team kan ni bawka, kan lakah team dang te’n chance siam tlem thin hle mahse chak loh kan nei hnem tawh hle.

“Ka tan pawh kan chak loh chhan zawn chhuah hi a harsa hle a, mahse min zawh luih tlat chuan Southampton kha an khel tha em a, goal chhuah loh an tum em em a, goal an khung bawk a ni,” a ti.