Real Madrid forward Cristiano Ronaldo chuan Penaldo ti a miin an koh fiamna chu a chhang let.
Goal thun khawl, record hrang hrang siamtu Ronaldo hian penalty a pet goal hnem tawh em avangin amah ngaisanglotu ten hming lem, "Penaldo" tih an phuah fiam sak thin a nih kha.
Champions League-a Malmo laka goal 4 lai thuntu Ronaldo hian a nickname an phuah chungchang hi sawiin, "Ka statistics hi en let ila, Real Real Madrid tan goal engzah nge ka thun tawh? Ka goal thun tawh ho kha penalty atanga ka thun vek a nilo.
"Ka theih anga tam goal ka thun zel dawn a, goal 600 emaw 700 thleng ka thun theih ka ring, ka goal thun leh te zawng zawng hi mi en theihin a awm vek bawk ang" tiin a sawi.
Kum 30-a upa Ronaldo hi Champions League-a goal thun hnember a ni mek a, Kum 2009 a Man Utd atanga Madrid a zawm hnu khan Madrid tan game 320 a khelhah goal 334 a thun tawh a ni.