03 Nov 2018 09:06

inkhel

​Paris-ah Djokovic leh Federer an inhmachhawn dawn

Second seed Novak Djokovic leh third seed Roger Federer-te chu Paris Masters semi final-ah an inhmachhawn dawn.

World no.1 thar tur Djokovic chuan semi final lut tur hian Marin Cilic chu 4-6, 6-2, 6-3 in a hneha, Australian Open champion Federer hian Japanese 10th seed Kei Nishikori chu 6-4, 6-4 in a hneh ve thung.

Kar hmasa mai khan Federer hian Swiss Indoors title a la a, tournament zaa champion turin vawikhat chiah a bak tawh a ni. Djokovic hi tunah hian a zawnin game 21 a chak tawh a, Rafael Nadal a inhnuhdawh bawk avangin Serbian pachal hi thawhtanni atangin world no.1 thar a ni ang.

Kumin khan Queens final-ah fifth seed Cilic hian Djokovic hi a lo hneh tawh a, tunah erawh Serbian player hi a chungnung zawka, mite hmuh chak em em Djokovic leh Federer-te intum chu Paris Masters semi final-ah kan hmu dawn a, Djokovic hian Paris Masters hi vawi li a la tawh.

Russian world no.18 Karen Khachanov chuan fourth seed Alexander Zverev chu 6-1, 6-2 in a hneha, Khachanov hian semi final-ah Austrian sixth seed Dominic Thiem a hmachhawn ve thung ang.

Thiem hian semi final thleng tur hian Paris Masters champion lai Jack Sock 4-6, 6-4, 6-4 in a hneh a ni.