Valencia captain Dani Parejo chuan kum 2020 June thla thleng daih turin a contract neihsa a pawtsei.

Spanish midfielder hian kum 2011 June thla khan Getafe chhuahsanin Valencia hi a zawm a, season liamta khan goal 12 khungin La Liga-ah palina a nihpui.

Contract a pawhsei hnuin kum 26 mi hian, "Vawiin hi ka nuna ni hlimawm ber pakhat a ni. Hei hi ka duh a ni a, tupawhin an hria a inremna hi kan nei thei dawn tih pawh hi ka ring tlat."

"He club aia ka hlim theihna tur hi club dang a awm lo tih ka sawi fo va, fans-te leh club-in min la rintawk vang hian ka lawm em em bawk." tiin AS hnenah a sawi.

Parejo hi Real Madrid B team atang lo in zirchhuak a ni a, Real Madrid senior team tan league-ah game nga a khel hman a kum 2008 khan loan-in QPR-ah a khel.

Kum 2009 July thla khan Getafe-in an lalut a, he club tan hian La liga-ah game 64 khelin goal 9 a khung.

Valencia hian kum 2011 June thla khan €6m vel sengin an lei a, season liamta khan goal 12 a khung a kum 2003-2004 season hnua Valencia midfielder goal sawm chuang khung leh thei hmasa ber a ni.

Spain tan Under-19, 20 leh 21 tan a khel kim vek a, mahse senior team tan erawh a khel dawn lo niin a lang.