WBO world welterweight champion Manny Pacquiao chuan a inhnekpui leh tur chu a fan-te twitter hmanga thlang turin a ti.
Pacman hian boxer pali tarlangin, Amir Khan, Kell Brook, Jeff Horn leh Terence Crawford-te zinga a fan ten an duh ber a hnekpui tur thu a sawi a ni.
Pacquiao chuan United Arab Emirates-ah fight a neih tur thu a sawi a, hetah hian boxer pali a thlanchhuah zinga a tu emaw ber a hnekpui dawn a ni,
Kum 38 mi, six-weight world champion hian nikum April thla kan boxing chawlhsan mahse Jessie Vargas hmachhawnin a lo kir leh a, "UAE-ah kan inhmu leh dawn nia," tiin a fan-te a hrilh a ni.
December thla khan Brook-a promoter Eddie Hearn chuan Khan nena an inbiak thu bbc a hrilh, heng fighter pahnihte hian an match hnuhnungah hnehna an chang zo lo ve ve.
Kum 2015 khan Pacquiao leh Khan-te hi an inhnek mai dawn niin thu a thang hman, tunah pawh hian inhmachhawn tura rinkai ber an ni mek.
Picture credit : Reuters