Arsenal defender Pablo Mari chuan, Serie A kaithar Monza chu season khat chhung atan loan-in a zawm.

Spanish centre-back Mari hi Italy-ah a mikhual lova, season liamta chawhnu lam kha Udinese-ah loan-in khelin, Italian club tan hian vawi 15 a inlan.

Kum 2020 January thla khan kum 28 mi hian loan-in Arsenal hi a zawm a, hemi kum nipui lai hian Arsenal chuan a nghetin an lalut chhunzawm a, mahse inkhelhna hmun a chang thei meuh lo.

Season liamta khan Mari hian Premier League-ah Arsenal tan vawi hnih bak a inlan lova, Arsenal manager Mikel Arteta chuan defence laiah Ben White leh Gabriel te a hmang rim ber.

Season hmasa khan Serie B play off atangin Monza hi Serie A khel turin an inpet tling a, Serie A khel tura an inbuaisaihna kawngah player 19 ngawt lalut tawhin, an player lakluh tawh zingah Matteo Pessina, Stefano Sensi leh Andrea Ranochhia te an tel a ni.